富爸爸換窮爸爸

今日港股經歷小肥積日 (Tiny Fat Jack Day), 但呢篇唔係想講股...

話說今日一如以往兩個月一樣9點起身, 一開機睇到美佬又大插4舊幾... 心知...想去廁所... 隨手書架上見到本"窮爸爸富爸爸"(Rich Dad, Poor Dad), 一於拎入廁所睇下邊度有得換爸爸先......!!!
其實我中英文版各睇左一次... 廁所內只係重溫一下... 睇多兩野先恍然大悟: 原來本書係教人點樣由富爸爸變成窮爸爸!!!



先講講本書來歷(用我有限o既記憶...), 作者羅伯特．Ｔ．清崎係一個夏威夷日本混血兒, 之前職業為Sales (好似係打印機野... 勉強算係同行...), 後來靠投資小有所成成為自由投資者。佢有感民眾應該增加自己對財務o既知識, 於是發明左一隻叫現金流o既遊戲。而為左宣傳呢套game 佢就寫左呢本書, 誰不知書還比隻game 本身還出名... N年前成為香港似乎人人必讀o既書。本書中心目標係教人如何跳出一般人的老鼠賽跑(Rat Race)而令自己的資本增大再最終致富。

基本上佢叫人提高財商我唔反對啦... 我亦一向同意人人都應該有少量會計/帳目知識... 作者亦唔係叫人好似我咁唔做野妄想靠投資搵食...

呢一年次按問題影響全世界經濟, 尢其係呢兩個星期... 今日睇左本書先醒覺: 次按風暴咪就係美國人信x左呢類作者o個套攪出黎架囉!!!

(以下係憑我僅有記憶段章地分析出來... 有錯請插... 以"害人爸爸程度" 低至高排序)

1. 工字不出頭 投資才是發達王道: 本身我唔係唔同意啦, 但係佢似乎缺少教人投資有風險, 我o既理念係教人管理風險似乎比教人去投資更重要, 但係佢提及唔多... 作者顯然表露看不起勤勤懇懇傳統又保守的打工仔(作者的窮爸爸) 而表揚有"財商"令其他人及金錢為其打工的人(富爸爸)... 而且... 作者似乎太看重"發達"(Rich) 作目標而忽略想致富同時亦同樣機會致窮。

2. 建議人一定唔可以僅靠儲蓄致富: 又係一樣一半同意o既point... 但羅伯特文中甚至有隱含恥笑人儲蓄... 又或者覺得手持cash 不如拎去投資... 太著重現金流入(cash flow in) 多或少而少少貶低作後備的手上資金(capital)o既重要性。市道好時當然要多多投資, 但後備資金對於逆市時o既重要性似乎有所忽略... 問題係cash flow 係會變化的東西, 今天cash flow in 的東東明天可能就會蝕錢... 再加上佢建議人o既投資方法之"犀利"......... 下面會講...

3. 看不起保守投資組合: 羅伯特指現今的保守投資組合是"為了不輸而作的投資", 不切實際。佢認為投資就是為了致富, 指出要致富的話需要"勇於冒險"云云... 我看事實上同賭錢無分別... 要知道利潤跟風險永遠是相若的, 有統計指出"勇於冒險" 的投資組合經常比保守投資組合差... 呢樣都算數... 就算"勇於冒險"都睇下佢點樣做... 但佢似乎係獨孤九劍有進無退又或者係西部牛仔式作法...... "要羸就搏大羸大, 輸左都要覺得happy 覺得爽!"

4. 要錢搵錢, 還要用人地錢搵自己錢: 呢個基本上係近幾十年美國人o既投資態度。利用低成本借貸(如還息不還本, 高風險借貸如sub-prime)以至槓桿工具達致"別人的錢為你打工"的目標, 以及利用收到的資金再投資達致更多cash flow 增長。上面講過佢缺少講出可流動資金o既重要, 以佢做法的話一旦出現如今次次按問題就會有可能發生技資者資不抵債等問題。雷曼兄弟的破滅就係因為用不足夠的資本作槓桿來運作倍數的生意, 一旦市場有比較大的變化令資產未能抵消欠款形成今日o既亡局...

5. 致富就要靠投資, 但文中還重點建議人投資房地產甚至股票認股證: 過熱房地產就係今次次按元兇! 佢建議人靠尋找質數比較的好房地產, o向銀行作按揭, 利用房地產的收入(租金之類)令別人幫你供樓。待房子市價提高就可以轉手套現, 如果收入跟每月利息差不多的話(即係該房地產每月cash flow in 係0 或以上)基本上係0成本... 國情不同這個方法港澳不可行啦, 基本上次按風暴以前美國可以以還息不還本的方式做按揭, 問題是當房地產市場出現問題時所受的損失顯然書中少有提及... 比重上係講成功多於講失敗... 小弟觀點上從來都不會當房地產係投資工具(以後或者會講), 而且睇返上面第2點的話一旦每月cash flow 係負(蝕錢)時房地產是一樣很難出手的資產(相比其他工具)... 而家時勢睇返呢本書, 你話本書係唔係害死人?

而講股票認股證(窩輪)o個本我冇買但有睇過下... (佢講o既唔同香港o個d窩輪...) 基本上佢有講到窩輪係高風險(雖然佢都係著重高風險=高回報), 但係記憶中都係缺少風險管理內容... (有錯勿插... 窩輪o個本我係網上睇o既...)

最後雖然唔應該咁比較.. 但我都想將羅伯特跟股神巴菲特比教...

基本上我看羅伯特有如一個靠較高風險投資有所成, 之後就四出教人如何"致富", 又出遊戲又寫書"傳道"的一個人...

反觀股神巴菲特, 已經貴為世界第二首富(今日福布斯o岩o岩公佈o既... 第一位係53歲就已經退休周圍印印腳派錢o既Bill Gates 叔叔~ 我都好想寫篇野潤下呢單野...), 78歲高齡不旦少說話多勤勤懇懇工作, 而且不會四出教人"財技"甚至一本正式自己寫的書都沒出過... (市面的巴菲特書幾乎全部唔係佢親自寫...)

兩個強烈對比...

媽咪3 (盜墓迷城3) 觀後感... (警告含少量內容)

嘛... 我唔係話媽咪3唔好睇... (比較爛而已...) 不過好多位好有趣囉...
(警告! 以下含少量內容)





1. 英文果然自古以來係世界語言... 所以小朋友們要學好d 英文啊!!! :)

2. 只要你o向喜馬拉亞山生活夠二千幾年, 你就會學有一口流利美式英文... (啥?) 片中係完全冇講過佢兩母女為何一口流利美語! (同時普通話跟二千幾年前一樣爛!)

3. 原來中國人普遍講英文比普通話流利... 黃秋生還好... (不過都好怪) 楊紫瓊同梁洛施... LOL (唏! 人地活左三千年嘛!) 佢地幾個講普通話好似講緊廣東話咁... (wording 上)

4. 中國語對白內容非常非常非常怪! 怪就怪在用字用語氣... 對白唔中唔英時中時英又係一個好怪滴地方...
例子: 中國人叫阿媽一般唔會叫"母親"... (梁洛施: 母親~ 楊紫瓊: 小寶貝~ 飛: (毛管棟))
你一係叫"娘"/"娘親"或者鬼佬都明o既"媽"... 甚至你叫英文式o既"媽咪"我都算... (反正兩母女英文咁好... 不過大慨伊沙啤喇叫媽咪(mummy)時男主角兩父子會開鎗.......) BTW... 到最後佢兩母女臨死別時都係用返英文溝通... 嘛! 我就一早知普通話唔係你地母語啦...

5. 原來卷長生不老術係用英文寫o既... 唔係點解楊紫瓊叫d undead 兵團出黎時要講英文?! d 秦國 undead 又識出黎喎...

6. 黃秋生為何要令秦皇同d 泥公仔兵團復活個原因認真無厘頭... 話要靠佢地征服中國云云... 呃... 唔好意思我見到除左皇帝有不死身同"妖法"可以打下之外d 泥公仔真係好...泥... 話說佢雖然有wide shot 影哂d 泥公仔兵團... 我覺得o個度咪最多一萬幾千! (十幾廿個方陣... 每個頂多幾百人...) 講浩大比起Lord of the Ring 真係差多... 又... 你話d 泥公仔好勁就話... 呃... 主角兩公婆用二戰輕機槍各一+幾支手槍+刀劍都掃低爆左何止一百幾十件... 同時D 泥公仔都仲係用緊長矛... 要靠佢地征服中國........... 你當偉大o既紅軍同毛澤東爺爺流架?!

7. 因為以上滴原因... 泥公仔軍團要唔要咁驚呢個都算... 睇睇正義方用咩野黎頂班泥公仔: 楊紫瓊用兩母女o既不死身作為代價召喚出undead 軍團!
當我聽到李連杰講出"哈哈! 你已經冇不死之身!!!"我即場爆笑... 嘛! 你母女用兩條不死之身硬打秦皇呢個不死之身唔係仲有用咩? o個萬幾個泥公仔? 由得佢征服中國啦~ 統一大業交返俾毛澤東爺爺啦!!!

8. 我可以證明! 秦皇係因為被閃光彈x2 閃到而死的!!! 主角兩父子各自o向佢面前各自攬住條女令秦皇因眼部被灼傷引致眼火爆再令身體內部燃燒而死...

9. 梁洛施有萌! 梁洛施o向雪山對住男主角表現出其傲嬌一幕超級萌!!! (沒有誤)

10. 李連杰真身總出場時間出奇地少... (比伊沙啤喇還少好多好多好多...) 大慨係開場時不足十五分鐘以及結尾高潮時廿幾分鐘左右...

暫時係咁多... 記得再補上...

If I'm not back again this time tomorrow...

幹了一年多, 終於向公司提出請辭, 今次的請辭某程度上可以叫瘦雞餐... 扣了年假後明天就是last day...至於為何提出請辭知者知不知者亦不要問我啦... 亦希望大家好來好去不要誰負了誰似地...

很感謝公司給我機會, 這份工帶給我很多經驗及知識。 在無論對世界的看法, 人事關係, 甚至澳門的職場及社會生態等等知識, 我真的一生受用。

很感謝Wyman (雖然我不知道你會否讀到這段文字)。 中間跟你的合作是愉快的, 感謝你包容我的缺點。我知道你在這中間曾經以及之後將會遇到有很大壓力, 亦要為我執很多"爛攤子", 希望我以後都有幸遇到跟你一樣好的上司。

特別感謝一眾同事, 你們大部份都是一群勤勞, 聰明, 熱情及無機心的人。感謝你們中間教導我的, 指引了我的, 跟我分享的, 幫助了我的一切一切, 跟你們在一起都是快樂的時光。你們無論作為同事抑或作為朋友都可說"一流"! 我怕這一輩子都未必能再遇到跟你們一樣的同事。

我不適合說令人感動的話, 希望明日之後大家仍然是好朋友, 好兄弟, 好姊妹(?)。生命中一年時間不算什麼, 我不會忘記你們, 當然亦希望你們不要忘記我, 某一天懷念故人(?)時有我一份就夠了。
最後, 雖然未必達意, 但我想寄語我最喜愛的其中一首歌 "Bohemian Rhapsody" by Queen 其中一段......

If I'm not back again this time tomorrow

Carry on, carry on

As if nothing really matters

飛
---2008年7月17日

四川大地震恥力滿開做假集合

由災民~


到記者報導~


到派飯~


到火炬手~


到學校捐款活動~


通通都是假的~ yeah!

愛情故事: 微軟男向虎虎女求愛失敗實錄

可能有細節漏了錯了... 但故事大致沒錯... 一段很多人參與的婚姻.....
(以下故事以粵語廣播)


微軟: 我向你求婚~ 我俾$xxx (市價以上價錢)妳~
三姑甲: 嘩~ 高得滯喎!
(第二日, 虎虎女股價升到去微軟男出價)
六婆乙: 微軟男出手太少了......
虎虎女: 死啦... 我嫁唔嫁好呢... (三心兩意)
谷歌: (出現) 唔好嫁俾佢啦... 我介紹第二d 男仔你識啦~ 我唔會害你架~ 雖然我之前打到你仆街...
虎虎女: 嗯嗯...... (大心)
谷歌: 你睇下... 華仔(華納)對你都有意思呢! 佢之前同左個OL (AOL) 糾合後正後悔呢~~~
虎虎女: (大心) x10


谷歌: 仲有 A男B仔同C君呢~ 微軟男出手唔得啦!!!
微軟男: 你唔好攪攪震喎八公(八婆?)!!!

谷歌: 呵呵呵~~~ 閃一下~~~ (遠去)
微軟男: Marry me or DIE!!! 你唔嫁我嫁俾第二個你會成為歷史名詞架!!! 限期前答覆!!!
虎虎女: 可以考慮... 我諗下先啦衰鬼~

(過哂限期)
虎虎女: 野~~~ 人家未諗到嫁俾邊個呢~~~ (又一個大心)


(園主: 呢個三次元女好撚仆街......)
(上星期五) 微軟: 咁我唯有搵你長輩(大股東)惡意迫婚...
(延至本星期) 微軟男: 我唔玩啦~~~



後記: 微軟男宣佈收回求婚後股價回升了2%多...

論何特首派錢（一）

雖然這題目不算新，但本園主不吐不快。
何特首於上星期發表施政報告，當中有一項措施為向全澳門居民派錢。永久居民派$5K，非永久居民派$3K...
嘿... 天下奇聞！平時說笑政府理應還富於民，今政府真正”現兜兜”還錢於民。















為何派錢？
觀乎何特首派錢理據，謂物價上升，政府有多出收入理應排解通漲為市民所帶來負面影響云云......

髮爛西施的班門弄斧經濟科通漲理論第一課: 通漲是如何產生的?
答(超低智版):
1. 供求 --- 貨物供應少了，商人要以更高價錢以降低需求(同時維護自己盈利)。
例子: 泰國大米生產不足，供應商要提高批發價。

2. 購買力 --- 某商品在同樣供應下，消費者的消費力/可付出的價錢因某原因加強了，為了成功與其他消費者爭奪(更多數量的)這商品而願意以更高價錢購買。
例子: 中國國民產值提高，人民口袋錢多了，願意以更高價錢購買更多商品引致通漲。

所以根據第2點，將二十億現款瞬間湧入民間可以舒解通漲? 何生想必是以實踐來挑戰經濟理論。如果澳門真的做到果真是世界經濟奇葩！



人人有得分？
道德上是不是所有人有資格拿錢？討論區上有人說非永久居民不應該得到那麼多...
非永久居民如新移民和新投資移民我算他們有為澳門作出貢獻(他們有很多都在澳門辛勤工作，就只差未拿到永居資格。投資移民？要知道很多人用原價五倍的價錢買樓只為一張ID CARD... 算我大慈悲當他們有貢獻啦...)。但也有很大的一批人可能只是在澳門出生或者父母因素而得到身份證，然後一生都在其他地方生活，有的一生人為澳門作出的貢獻是每個月到澳門一次吃豬扒飽及沖涼按摩。但，他們也可以拿錢！(我就有認識這樣的朋友) 啥? 要將他們多年來的按摩錢還回去乎？



派錢？講就易！
再退一步說，觀乎將20億$現金$派發給四十幾萬澳門市民看似簡單，實為壯舉！

以本園主小小咀巴問一下：如何將２０億cash 以短時間派發出給每一位市民?
短時間的定義，我看最多４－５個月。為什麼是４－５個月？明眼人一看就知特首此次是為了為五一遊行降溫。特首說七月才能開始派錢，若然多於５個月的話，下一個milestone 十二月廿日又來了，到時還沒收到錢的市民還不上街遊行補五一之數？更有可能引致本來五一不想上街的市民（如本園主）20/12 ”上埋一份”？再進一步，如果到下年五一前還未派完？那本園主將十分期待當日盛況。（如果真的話也好，澳門多了一個”全年派錢黃金地”的渾名......）



時間上拖太長亦有其他問題。首先誰應先拿誰後拿是大問題。如上所講，派現錢理論上會增加通漲。先拿到錢的人會帶頭拉起通漲，之後還沒收到錢的要承受通漲一段時間才拿到錢。另外要知道錢是會貶值，我比其他人慢收到錢那幾個月誰賠我利息？

(未完待續）

本精神分裂樂園開幕致詞

以下是本樂園園主法蘭西斯的開幕致詞:

當我知道... 自己患了精神分裂已經是時日無多... 我好想開個博客同你們講我已經傻了......

大家好我是本樂園園主法蘭西斯，其實本博客我已有構思經年不過全因為懶所以沒有實行過。
經小的努力這博客已經招攬了不少作者參與，不定期post上各類文章。以不同身份角色及角度對這個可笑的世界嘻笑怒罵一番。

好... 沒什麼好說的... 大家玩開心點吧!